Ek raadha ek meera,
Donon ne shyaam ko chaaha
Antar kya donon kee chaah mein bolo
Ek prem deevaanee ek daras deevaanee
Raadha ne madhuban mein dhoondha,
Meera ne man mein paaya
Raadha jise kho baithee
Vo govind meera haath bik aaya
Ek muralee ek paayal,
Ek pagalee ek ghaayal
Antar kya donon kee preet mein bolo
Ek soorat lubhaanee ek moorat lubhaanee
Ek prem deevaanee ek daras deevaanee
Meera ke prabhu giridhar naagar,
Raadha ke manamohan
Raadha nit shrrngaar kare,
Aur meera ban gayee jogan
Ek raanee ek daasee,
Donon haree prem kee pyaasee
Antar kya donon kee trpti mein bolo
Ek jeet na maanee ek haar ne maanee
Ek prem deevaanee ek daras deevaanee