Kabhi fursat ho to jagadambe,
Nirdhan ke ghar bhee aa jaana |
Jo rookha sookha diya hamen,
Kabhee us ka bhog laga jaana ||
Na chhatr bana saka sone ka,
Na chunaree ghar mere taaron jadee |
Na pede barphee meva hai maan,
Bas shraddha hai nain bichhae khade ||
Is shraddha kee rakh lo laaj he maan,
Is vinatee ko na thukara jaana |
Jo rookha sookha diya hamen,
Kabhee us ka bhog laga jaana ||
Jis ghar ke die me tel nahin,
Vahaan jot jagaon kaise |
Mera khud hee bichhona daratee par,
Teree chonkee lagaoon mai kaise ||
Jahaan mai baitha vahee baith ke maan,
Bachchon ka dil bahala jaana |
Jo rookha sookha diya hamen,
Kabhee us ka bhog laga jaana ||
Too bhaagy banaane vaalee hai,
Maan mai takadeer ka maara hoon |
Hey daatee sambhaal bhikaaree ko,
Aakhir teree aankh ka taara hoon ||
Mai doshee too nirdosh hai maan,
Mere doshon ko toon bhula jaana |
Jo rookha sookha diya hamen,
Kabhee us ka bhog laga jaana ||